دينا الشربيني، بكت الفنانة دينا الشربيني، علي الهواء، وهي تسترجع اللحظات الأخيرة في حياة والدها الراحل بعد عرض صورا له،  وقالت:"مات فجأة وكل حاجة حلوة في حياتي سببها هو".

حزن دينا الشربيني علي والدها

وأضافت دينا الشربيني خلال لقائها ببرنامج “كلمة أخيرة” الذي تقدمه الإعلامية لميس الحديدي بقناة “أون”:"بايا كان أحلى حاجة في الدنيا ومات فجأة، يومها كان جاي يفطر معايا في رمضان وقلت له عملت لك الملوخية والفراخ البلدي قال لي أنا تعبان شوية هنام شوية وهاجي قبل الفطار وسيبته ينام وبعدين لقيت السواق بيكلمني وبيقول والدك مش كويس خالص وكان في البيت لوحده وجرينا بيه على المستشفى وراح المستشفى قالولنا تسمم في الدم وقبلها كان زي الفل وعاملوله وقتها استكشاف وقعد يوم ونصف في المستشفى ومات ومكنتش مصدقة لإنه اتخطف مني".

وتابعت:" أنا لحد دلوقتي مش مستوعبة أنه مات بس أنا لهيت نفسي بالشغل أوي علشان أحاول اتجاوز فكرة أنه مات ودايما بقول بابا وماما الله يرحمهم مسافرين مش مستوعبة إنهم رحلوا عني".

قصة دينا الشربيني مع والدها

ولفتت دينا الشربيني:"كنت بقول لبابا أنسى انك تموت الأول انا هاموت قبلك انا كنت متعلقة بيه جدا وكإنه صاحبي وكل حاجة واحكي له كل التفاصيل في حياتي".

رسالة دينا الشربيني لروح والدها

وأشارت:"بابا من كتر ما هو جميل وأبيض انا عارفه انه في مكان افضل من هنا، ولما بحس بالوجع باقعد ادعي له واقرأ قراَن، وآخر مرة بعت له رسالة قلت له انت وحشتني جدا".

ونقدم لكم من خلال موقع "مصر بوست"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.