قال الفنان أحمد السقا، إنه كان يتأثر في بداياته بالحديث عن قدراته التمثيلية والانتقادات التي يتعرض لها.

أضاف "السقا" خلال حوار مع فاطمة مصطفى ببرنامج "الراديو بيضحك"، المذاع عبر "الراديو 9099"، مساء اليوم: "اتعودت على كده، في البدايات كنت بضايق وبيصعب عليا نفسي، ولما لقيت الناس بتقول أي حاجة بيعملها أحمد بيخرج منها نجم، فبدأ يهون عليا كتير.. دلوقتي مبقتش التفت، بس زي أي بشر ممكن اضايق أن مجهودي غير مقدر".

تالع: "بقيت بشوف أنه طالما في ناس شايفة أنه عندي نواقص، يبقى لسه عندي مساحة اشتغل فيها وبقيت أخدها بشكل إيجابي".

أوضح أن أمر اللجان المدفوعة التي تهاجمه يتركه لله، مضيفا: "أنا رأيي أن اللي يعمل لجنة ويدفع فلوس عشان يشتم حد أو يهين حد أو يكسر نفس حد، دي عقابها عند ربنا كبير.. قهر العباد وحش، ودايما بنقول ربنا يكفينا شر قهر الرجال وقهر العباد، فاللي بيعمل كده يشيل بقى قدام ربنا.. ربنا بيقتص من العبد للعبد على حياة عينه، وإن مكنش على حياة عينه بيوقفهم قصاد بعض يوم القيامة".

يذكر أن أحمد السقا شارك في رمضان 2024، بمسلسل "العتاولة"، وتدور أحداثه في إطار اجتماعي شعبي ويشهد العديد من الصراعات أبرزها صراع الأخوة بين أحمد السقا وطارق لطفي كما تظهر مي كساب بدور طليقة أحمد السقا أما زينة فستكون حبيبته.

مسلسل “العتاولة” من بطولة طارق لطفي، وأحمد السقا، وباسم سمرة، ومي كساب، وحنان سليمان، وهدى الإتربي، وصلاح عبدالله، وجار التعاقد مع باقي أبطال العمل، وهو من تأليف هشام هلال، وإخراج أحمد خالد موسى.

نرشح لك: أحمد السقا: الدبابة كانت هتدوسني في فيلم السرب!