كشفت الفنانة إلهام شاهين، منتجة فيلم "يوم للستات" الذي تم إنتاجه عام 2016، سبب حذف مشاهد الفنانة سماح أنور، بالكامل من فيلم "يوم للستات".

قالت "شاهين" خلال لقائها في برنامج "آخر الكلام"، الذي يعرض عبر تلفزيون الفجيرة، إنها تتفهم تماما موقف "أنور" ولها الحق كاملا في أن تشعر بالضيق من ذلك الموقف، إلا أن الأمر كان خارجا عن إرادتها.

أوضحت: "مش من مصلحتي أقلل اسم نجم من على الأفيش، لكن في الآخر أنا بحترم إن العمل ملك للمخرج، هو يرى كيفما يشاء".

أضافت: "احنا صورنا على مدى 3 سنين، كان وقت الثورات ومكناش مستقرين، ففي الوقت ده الممثل ممكن شكله يتغير.. هي قعدت معانا سنتين بشكل معين الحقيقة احنا عذبناها لأن المخرجة كانت طالبة منها تحلق شعرها خالص تقصه زي الصبيان وتعمله أبيض والأبيض ده عشان تعمله بتحرق الشعر قعدت سنتين وضحت، جت السنة التالتة مقدرتش.. شعرها طول ورجع للونه الطبيعي".

تابعت: "حاولنا نجرب تتحط باروكات نفس الشكل طلع في فرق بسيط، لما المخرجة شافته في المونتاج قالتلي لا انا حسيت إن في واحدة تانية في شيء كبير متغير فيها، ده كان مشهد الفينال فقالت لي أنا مقفلتش الشخصية.. إخراجيا مش صح إن الشخصية موجودة وبعدين ملهاش فينال، فراحت شالت كل المشاهد عشان معجبهاش مشهد الفينال.. حقها تزعل سماح، كمان كاملة أبو ذكري حقها تشيل وتحط اللي هي عايزها، هي شالت لنا مشاهد، بس سماح شالت لها الدور كله.. انا متعاطفة معاها صحبتي وزميلتي ولما أحط نفسي مكانها هلاقي إن عندها حق".

فيلم "يوم للستات" تم إنتاجه عام 2016 وهو من إنتاج وبطولة إلهام شاهين، وشاركها البطولة فاروق الفيشاوي، محمود حميدة، هالة صدقي، نيللي كريم، ناهد السباعي، ومن إخراج كاملة أبو ذكري وتأليف هناء عطية، وتدور أحداثه حول حمام سباحة جديد يتم افتتاحه بالقرب من إحدى المناطق الشعبية.

نرشح لك: نقابة المهن التمثيلية تعتذر للصحفيين: عزاء صلاح السعدني يقتصر على عائلته وزملائه